قصيدة رائعة للزجال المغربي محمد العربي خزان.

قصيدة رائعة للزجال المغربي محمد العربي خزان.
تْوْكْلت وحْمْلْت زادي عْلى اكْتافي
مـــــا هَوّْلْني الغبار عْلى اطْرافي
مـــــــا طالْبْ غِير الْهْنا وْ صافي
الصْحيحة وْمْعـها العْقــــل مْعافي
مْن ْفضلو ربي اعْطاني بْــالوافي
هدا رْزقي مْحْـــدود وانا بهْ كافي
وْمــــــــا يْلو زْيـادة بْكْترة تْقْدافي
ضْــعيفة هي نْفْسي قوِّها يا عافي
نْشكيك عْلّْتي وْنْتْرجاـــك ياشافي
تْوْكْلت وحْمْلْت زادي عْلى اكْتافي
مـــــا هَوّْلْني الغبار عْلى اطْرافي
رضاك ربي فْــــــراشي وْ لْحافي
ما انا عالْم يا مولاي بْالسْر الخافي
ولا كـــلْ ما خْفاتو سْطور القْوافي
ولا أنا قادر نْطيق لْهـــيب العْوافي
ما انا غير حبــة رملة فْـــــالْفْيافي
طــايْع أنا وْحامْد أبدا مــــا نْجافي
حــالي هدا وْهو حـــــــال اسْلافي
تْوْكْلت وحْمْلْت زادي عْلى اكْتافي
مـــــا هَوّْلْني الغبار عْلى اطْرافي